Keles aýdanynda «Aýyldaǵy bir kún» atty is-shara ótti
KELES. QazAqparat – Túrkistan oblysy, Keles aýdanynda «Aýyldaǵy bir kún» atty is-shara ótti. «Jastar resýrstyq ortalyǵy» KMM-niń uıymdastyrýymen ótken sharada jastar Bozaı aýyldyq okrýgine baryp, umytylyp bara jatqan salt-dástúrlerimizdi qaıtadan jańǵyrtty, dep habarlaıdy QazAqparat tilshisi.
Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynda aıtylǵan mindetterdi júzege asyrý maqsatynda jastar aýdan ortalyǵynan shalǵaı ornalasqan aýylda qazaqtyń salt dástúrlerin dáriptedi. Qazaqtyń ulttyq taǵamdaryn pisirip, ulttyq oıyndaryn oınady. Kıiz úı qurýdy úırenip, er jigitter mal soıdy. Atty erttep, otyn jardy. Sondaı-aq, samaýryn qoıdy. Al, boıjetkender nan jaýyp, kúbi pisti. Qurt jasaý men baýyrsaq pisirýden sheberlikterin kórsetti. Ulttyq dástúrlerdi jas urpaqtyń boıyna sińirýde aıryqsha mańyzǵa ıe jobada jastar osylaısha bar ónerlerin ortaǵa saldy. Shara sońynda Jastar ortalyǵynyń basshylyǵy Ult Kóshbasshysynyń syndarly saıasatyn óskeleń urpaqtyń arasynda jan-jaqty nasıhattaý, salt-dástúrimizdi jańǵyrtýda qosqan úlesteri úshin qatysýshylarǵa alǵystaryn jetkizdi.Mundaı ıgi isterdi odan ary jalǵasyn tabatyndyǵy aıtylyp, jastardyń aldaǵy josparlaryna sáttilik tiledi.
