Keles aýdanynda 72 shaqyrymǵa jýyq jol jóndelýde

TÚRKІSTAN. QazAqparat – Túrkistan oblysynyń Keles aýdanynda bıyl 71,3 shaqyrym, ıaǵnı 43 kóshege túrli deńgeıdegi jol jóndeý júmystary júrgizilýde, dep habarlaıdy QazAqparat Túrkistan oblysy Óńirlik kommýnıkatsııalar qyzmetine silteme jasap.

«Aýdan ortalyǵy Abaı aýyly boıynsha «Aýyl – el besigi» baǵdarlamasy aıasynda 28,19 shaqyrym, ıaǵnı 23 kósheniń ortasha jol jóndeýmen qatar abattandyrý jumystary júrgizilýde. Qazirgi tańda Abaı aýylyndaǵy 23 kósheniń 19 kóshesinde jol jóndeý qurylys jumystary aıaqtalǵan. Qalǵan 4 kósheniń jóndeý jumystary qarasha aıynyń sońyna deıin tolyǵymen aıaqtalyp, paıdalanýǵa beriletin bolady», delingen habarlamada.

Aýdandaǵy eldi mekenderdegi ishki kóshelerdiń 43,1 shaqyrymy, ıaǵnı 20 kóshege túrli deńgeıdegi jol jóndeý jumystary josparlanǵan. Onyń ishinde 10 kósheniń jóndeý jumystary aıaqtalýǵa taıaý. Al qalǵan 10 kósheniń memlekettik satyp alý konkýrsy ótkizilýde. Sonymen qatar, bir aýdandyq mańyzy bar «Aşykól-Qalǵansyr» 6,8 shaqyrym avtomobıl joldary memlekettik satyp alý konkýrsynda ótkizilýde.