Keles aýdanynda 30 qyz-kelinshek jańa mamandyqty meńgerip shyqty

KELES. QazAqparat – Túrkistan oblysy Keles aýdanynda kásipkerler sany kún sanap artyp keledi, dep habarlaıdy QazAqparat tilshisi.

Nátıjeli jumyspen qamtý jáne jappaı kásipkerlikti damytýdyń 2017–2021 jyldarǵa arnalǵan «Eńbek» memlekettik baǵdarlamasynyń birinshi baǵyty aıasynda jastar qysqa merzimdi kásibı oqýdan ótip, bıznesin bastaýda.

Aýdanda birinshi bolyp «Damý» jeke tulǵany damytý ortalyǵy 15 azamatty «kondıter» jáne 15 azamatty «vızajıst» mamandyǵy boıynsha 3 aılyq kýrsta oqytty. Jastarǵa kýálik saltanatty túrde tapsyryldy. Baǵdarlamanyń bul baǵyty halyqtyń kásibı sheberligin shyńdaýǵa múmkindik beredi jáne óz kásibin ashýǵa jol bastaıdy.

Sonymen birge, óz kásibin ashý nemese jalǵastyrý úshin memlekettik baǵdarlamalar tarapynan beriletin 505 myń teńgelik grantty alýǵa úmitker bola alady.

Aıta keteıik, shilde aıynda 172 azamat qysqa merzimdi kásibı oqýǵa joldandy. Olar Túrkistan joǵarǵy agrarlyq kolledjine 20 jas «Janýarlar men qustardy jasandy uryqtandyrý operatory» jáne 25 jas «Aspaz», №11 kolledjge 15 jas «Aǵash ustasy» jáne 32 jas «Tiginshi», «Asý-KZ» JShS oqý ortalyǵyna 30 jas «Shashtaraz» jáne 30 jas «Jemis kókónis ósirýshi», JShS «Deluxe Group&GO» oqý ortalyǵyna 20 turǵyn «Aspaz» mamandyqtary boıynsha bilimin jetildirdi.

Qalǵan 138 azamatty jyl sońyna deıin ózderi tańdaǵan mamandyq boıynsha oqytý kózdelip otyr.