Keles aýdanynda 15 jastaǵy jasóspirim Syrdarııa ózenine batyp ketti
KELES. QazAqparat – Túrkistan oblysynda shomylý maýsymy bastalmaı jatyp, 6 adam sýǵa batqan. Qaza tapqandardyń tórteýi kámelet jasyna tolmaǵandar, dep habarlaıdy QazAqparat tilshisi.
Oblystyq TJD málimetinshe, 23 sáýir kúni Keles aýdanyna qarasty Bozaı aýyl okrýginde qaıǵyly jaǵdaı oryn alǵan. 15 jastaǵy jasóspirim Syrdarııa ózenine shomylyp, sýǵa batyp ketken. Balanyń máıitin sýdan aýyl turǵyndary shyǵaryp aldy.
«Sýyq sýda shomylǵanda balanyń aǵzasy tońyp, denesi qurysyp qalady, munyń sońy qaıǵyly oqıǵalarǵa ákelip soqtyrady. Sondyqtan tótenshe jaǵdaı kezinde mektepke deıingi jáne mektep jasyndaǵy balalarǵa úılerinde bolý kerektigin eskertemiz»,- deıdi oblystyq TJD Azamattyq qorǵanys bóliminiń bastyǵy K.Qarabalaev.
