Keler jyly pandemııa kezinde salyqtan bosatylǵan 84 myń páter ıesi salyq tóleı bastaıdy

ASTANA. QazAqparat – Kelesi jyly pandemııa kezinde salyqtan bosatylǵan 84 myń páter ıesi salyq tóleı bastaıdy. Bul týraly Qarjy vıtse-mınıstri Erjan Birjanov ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«Pandemııa kezinde bul sanat salyq salýdan bosatylǵan edi. Olar úsh jyl boıy jeńildik alyp, salyq tólemeı keldi. Biraq, kelesi jyldan bastap olar salyq tóleıdi. Bul – arnaıy jeńildetilgen salyq rejımin alǵandar men patent ıeleri», - dedi Erjan Birjanov.

Onyń aıtýynsha, elimizde baspana jalǵa bergeni úshin salyq tólep otyrǵan 210 myńǵa jýyq múlik ıesi bar. Olardyń 84 myńy atalǵan tásil boıynsha salyq tólep júr.

«Turǵyn úıdi jalǵa berýdiń birneshe joly bar. Birinshi jol – jeke kásipker retinde tirkelý. Elimiz boıynsha osy oldy tańdap, jeńildetilgen deklaratsııa men patent tapsyryp júrgen 84 myńnan astam adam bar», - dedi vıtse-mınıstr.