Keler jyly Kókshetaýda JEO qurylysy bastalady
KÓKShETAÝ. QazAqparat - Keler jyldan bastap Kókshetaý qalasynda jylý energııa ortalyǵynyń (JEO) qurylysy qolǵa alynady, dep habarlaıdy QazAqparat tilshisi.
Óńirlik kommýnıkatsııalar qyzmetinde ótken brıfıngte aıtylǵandaı, jobany «Dán» JShS qazaqstandyq kompanııasy memlekettik-jekemenshik seriktestik sheńberinde qolǵa almaq. Investor baıqaý rásimderi nátıjesinde anyqtalyp otyr. Jobany júzege asyrýǵa 4 ınvestıtsııalyq kompanııa úmitker bolǵan. Olardyń arasynda «Dán» kompanııasy tańdap alyndy.
Kompanııa basshysy Narıman Bıtakovtyń aıtýynsha, jańa JEO-nyń qýaty saǵatyna 180 MVt (elektr) jáne 450 Gkal (jylý) bolady. Salynyp iske qosylǵan kezde Kókshetaý qalasynyń jańa turǵyn úıleri men ónerkásiptik nysandaryn elektr qýaty, jylý jáne ystyq sýmen qamtamasyz etýge múmkindik beredi. Qurylys jumystaryn 2019 jyly bastap, 2023 jyly aıaqtaý josparlanyp otyr.
«Ýaǵdalastyqqa sáıkes, jylý oqshaýlaǵysh konstrýktsııalar men materıaldardyń jaramdylyǵy 25 jyldan asady. Aýystyrylatyn tyǵyzdaǵyshtardyń jaramdylyǵy 15 jyldan asýy tıis. Qazirgi kezde jer telimin bólý máseleleri sheshilip, barlyq tehnıkalyq sharttar alyndy. Budan bólek, ekologııalyq jáne sanıtarlyq-epıdemıologııalyq saraptama júrgizilip, qoǵamdyq tyńdaý ótkizildi. JEO jobalaý kezinde qazaqstandyq óndiristiń materıaldaryn, tehnologııalary men jabdyqtaryn barynsha paıdalaný qarastyrylǵan», - deıdi Narıman Bıtakov.
Kompanııa basshysynyń sózinshe, JEO qatty otynmen ǵana emes, keleshekte gazben de jumys isteıtin bolady. Jalpy, JEO-ny paıdalaný kezinde jylyjaı kesheni men temir-beton buıymdaryn daıyndaıtyn zaýyt salý sııaqty qosymsha jobalar qurý josparlanyp otyr.
Aıta keteıik, Kókshetaý - respýblıkadaǵy JEO joq jalǵyz oblys ortalyǵy. Oblys basshylyǵy áleýmettik mańyzy zor máseleni sheshý úshin áleýeti zor jobany júzege asyrý kezinde qazirgi zamanǵy ınnovatsııalyq tehnologııalardy qoldanatyn áriptes izdegen bolatyn. Endi mine, «Dán» JShS qazaqstandyq kompanııasy memlekettik-jekemenshik seriktestik sheńberinde osy jobany qolǵa alýǵa bel býyp otyr. Kompanııa basshylary bul jobany Slovenııanyń «Lýka ınjınırıng» komanııasymen birlesip júzege asyrmaq.
Jobanyń quny - shamamen 176 mıllıard teńge. JEO qurylysy kezinde 700-900 adam, al, paıdalanýǵa berilgen kezde 600 adam turaqty jumyspen qamtylady.
