Keler jyly Qazaqstannyń 5 óńirinde jańa onkologııalyq ortalyq salynady

ASTANA. QazAqparat – 2024 jyly elimizdegi 4 oblys pen 1 qalada jańa onkologııalyq ortalyqtar salynýy múmkin. Bul týraly «Ashyq» NQA portalynda jarııalanǵan Onkologııalyq aýrýlarmen kúres jónindegi 2023-2025 jyldarǵa arnalǵan keshendi josparda kórsetilgen, dep habarlaıdy QazAqparat tilshisi.

«2024 jyly Almaty (250 tósek oryn), Atyraý (180 tósek oryn), Jetisý (210 tósek oryn), Ulytaý (200 tósek oryn) oblystarynda jáne Almaty qalasynda (250 tósek oryn) jańa onkologııalyq ortalyqtar salynady. 2023 jyly jobalaý-smetalyq qujattamalary ázirlenedi», - delingen keshendi josparda.

Qujatta kórsetilgendeı, bıyl jobalaý-smetalyq qujattamalary daıyndalady, al keler jyly qurylys bastalmaq.

Buǵan qosa, Qostanaı oblysy men Shymkent qalasynda radıologııalyq jáne reanımatsııalyq-operatsııalyq bloktar salý jáne qoldanystaǵy onkologııalyq ortalyqtarǵa jóndeý jumystaryn júrgizý josparlanǵan.

Keshendi jospar 23 aqpanǵa deıin kópshilik talqylaýda bolady.