Keler jyly qandastardy qabyldaý kvotasynyń sany ulǵaıýy múmkin
ASTANA. QazAqparat – Eńbek mınıstrligi «Qandastar men qonys aýdarýshylardy qabyldaýdyń 2023 jylǵa arnalǵan óńirlik kvotasyn belgileý týraly» buıryǵyn jarııalady, dep habarlaıdy QazAqparat tilshisi.
Ashyq talqyǵa shyǵarylǵan qujatqa saı, 2023 jyly Qazaqstan óńirleri 1 925 qandasty qabyldamaq. Sonymen qatar, elimiz 6 727 qonys aýdarýshyǵa kvota berýi múmkin.
Aıta keteıik, bıyl el Úkimeti elge oralýǵa nıetti qandastar úshin - 1 499 kvota, al qonys aýdarýshylarǵa – 6 587 kvota bólgen edi.
Eńbek jáne halyqty áleýmettik qorǵaý mınıstrliginiń buıryǵyn ashyq talqylaý 5 jeltoqsanǵa deıin jalǵasady.
