Keler jyly HQKO arqyly 32 túrli qyzmet usynylatyn bolady
ASTANA. QazAqparat - Halyqqa qyzmet kórsetý ortalyqtary arqyly usynylatyn memlekettik qyzmetterdiń qataryna QR aýmaǵynan shetelge turǵylyqty turýǵa ketýge arnalǵan qujatty rásimdeý, jetim balalardy qamqorlyqqa alýdy rásimdeý enip otyr.
Sondaı-aq, jeke kásipkerler tirkeý esebine turyp, patent ala alady. QR Qarýly kúshteriniń áskerı qyzmetkerleri arasyndaǵy qyzmettik baspanaǵa zárý qyzmetshilerdiń tizimine turýǵa óz málimetterin HQKO arqyly engize alady.
QR Baılanys jáne aqparat agenttiginiń Elektrondyq qyzmetterdi jáne HQKO damytý departamenti dırektorynyń orynbasary Ásel Mamajanovanyń aıtýyna qaraǵanda, HQKO arqyly kórsetiletin qyzmetterdiń tizimine enetin jańa servıster 11 memlekettik organnyń quzyryna jatady. «Qyzmetterdiń kóp bóligi balamaly túrde usynylady, ıaǵnı jeke jáne zańdy tulǵalar olardy Halyqqa qyzmet kórsetý ortalyǵymen qatar, qyzmetti usynýshy memlekettik organnan tikeleı baryp ala alady» - dep túsindirdi Ásel Mamajanova.
Azamattardyń memlekettik qyzmetti alý protsesin jeńildetý maqsatynda Munaı jáne gaz mınıstrligi, Óńirlik damý mınıstrligi, Bilim jáne ǵylym mınıstrligi, Aýyl sharýashylyq mınıstrligi jáne basqa da memlekettik organdardyń jekelegen qyzmetteri Halyqqa qyzmet kórsetý ortalyǵy arqyly usynylatyn bolady.
Aıtyp ótý kerek, 32 memlekettik qyzmetten turatyn tizim HQKO arqyly kórsetiletin qyzmetterdi irikteýge arnalǵan vedomstvoaralyq komıssııanyń kezekti otyrysynda bekitildi. «HQKO» RMK ókilderi men barlyq múddeli memlekettik organ ókilderi qatysqan komıssııa otyrysynyń barysynda iriktelip alǵan qyzmetterdi usyný merzimin jáne azamattardan talap etiletin qujattar sanyn qysqartý máselesi de sheshildi.
Búgingi kúni elimizde 259 halyqqa qyzmet kórsetý ortalyǵy jumys isteıdi. Ústimizdegi jyly osy ortalyqtar arqyly kórsetilgen memlekettik qyzmetterdiń sany 11 mln. asyp ketti.
Halyqqa qyzmet kórsetý ortalyqtaryna keletin azamattarǵa yńǵaıly bolý úshin ortalyqtarda «Connection point» ózine - ózi qyzmet kórsetý buryshtary jumys isteıtinin aıtyp ótý kerek. Ózine-ózi qyzmet kórsetý buryshtarynan elektrondyq qyzmetterdi azamattar operatordyń kómeginsiz ala alady. Eger kómek qajet bolǵanda ortalyq qyzmetkerleriniń keńesine júginýge bolady. Atalǵan qyzmettiń turǵyndardyń kompıýterlik saýattylyǵyn arttyrýǵa baǵyttalǵanyn da aıtyp ótken jón.
