Keler jyly dollar baǵamy qansha bolady
«Qaýymdastyqtyń saraptama ortalyǵy qarjy naryǵyndaǵy kásibı oıynshylardyń arasynda júrgizilgen saýalnama qorytyndysy jarııalap otyr.
Keler jyldyń ón boıynda eldegi ınflıatsııa deńgeıi eki tańbaly mánde bolyp, jeltoqsan aıyna qaraı 14,3% bolady.
Zertteýde qarjy naryǵyndaǵy kásibı oıynshylardyń, bank, saqtandyrý, brokerlik uıymdardyń ókilderiniń, sarapatma jáne qazynashylyq bólimsheler mamandarynyń pikiri zerdelendi», - dep jazylǵan boljamǵa berilgen sıpattamada.
Sonymen saýalnamaǵa qatysýshylar birneshe ındıkator boıynsha boljamyn aıtty. Olar:
Brent markaly munaı quny;
AQSh dollarynyń Reseı rýbline shaqqandaǵy baǵamy;
Dollardyń teńge shaqqandaǵy baǵamy;
Inflıatsııa;
Jalpy ishki ónim;
QR Ulttyq bankiniń bazalyq mólsherlemesi.
Sarapshylar keler jyldyń ón boıynda ınflıatsııa eki tańbaly mánde bolyp, jyldyń aıaǵyna qaraı 14,3%-ǵa jetedi degen boljamǵa toqtalǵan.
Al bazalyq bólsherleme týraly boljamdar árkelki deýge bolady. Jaýap bergenderdiń 66%-y — mólsherlere ári qaraı kóterile bere dese, 34%-y qazirgi deńgeıinde qalatynyn boljaǵan.
Sarapshylardyń pikirinshe, dollardyń teńgege shaqqandaǵy ortasha baǵamy qańtar aıynda 470,14 teńge bolady (qazir – 468,12 teńge). Osylaısha Jyl qorytyndysy boıynsha teńgeniń dollarǵa shaqqandaǵy baǵamy bir jylda 8,4% tómendegen bolyp shyǵady.
Alaıda mamandar keler jyldyń sońyna qaraı teńgeniń dollarǵa shaqqandaǵy qunsyzdanýy báseńdeýi kerek dep esepteıdi. Bul paıyzdyq mánde 5,7% bolǵanymen, aqsha kúıinde 1 dollardyń quny 497,1 teńgege jetýi múmkin.
«Sarapshylardan jaýap alyp jatqan kezde munaı túrleriniń quny shuǵyl túsip jatqan edi. Bul mamandardyń boljamyna da áser etti. Sarapshylar týra bir jyldan keıin Brent markaly munaıdyń bir barreli 91,4 dollar bolady dep otyr. ıAǵnı bıylǵy baǵamen salystyrǵanda 10,7% arzandaıdy degen sóz.
Mamandar eldiń jalpy ishki ónimi keler jyly az mólsherde bolsa da jaǵymdy qalyptasady dep otyr – 2,8%. Qazir bul kórsetkish 2,5%.
