Keler jyly din, jastar saıasaty men azamattyq qoǵam salasyna 1,2 mlrd teńge bólinedi

ASTANA. QazAqparat – Ortalyq kommýnıkatsııalar qyzmetinde ótken brıfıngide QR Aqparat jáne qoǵamdyq damý mınıstrliginiń azamattyq qoǵam isteri komıtetiniń tóraǵasy Madııar Qojahmet salany granttyq qarjylandyrýdyń jańa tetikterin atady, dep habarlaıdy QazAqparat tilshisi.

«2023 jyly mınıstrlik azamattyq qoǵamdy, din salasyn, sondaı-aq jastar saıasatyn damytý baǵyttary boıynsha jańa tásilder aıasynda granttyq jobalardy iske asyrýǵa 1,2 mlrd teńgeden astam qarajat bólýdi josparlap otyr. Sondaı-aq, mınıstrliktiń tapsyrysymen 2021 jyldan bastap 10 uzaqmerzimdi grant iske asyp jatyr. Ol 2023 jyly da óz jalǵasyn tabady», - dedi komıtet basshysy.

Aıtýynsha, bul salada granttardyń saralanǵan júıesi engizilgen.

«Grant túrine baılanysty qarjylandyrý kólemine, iske asyrý merzimderine, konkýrsqa qatysý sharttaryna, eseptilikke ár túrli talaptar aıqyndaldy. Úshinshiden, granttyq saıasattyń salalyq tásilin keńeıtý úshin ortalyq memlekettik organdarǵa da operator arqyly grant úlestirý quzyreti berildi. Tórtinshiden, azamattyq qoǵam ókilderiniń qatysýymen granttardyń tıimdiligin baǵalaý tetigi engizildi, ol jobalardyń tıimdiligin arttyrýǵa múmkindik beredi jáne keıinnen granttardy qalyptastyrý úshin negiz bolady. Búgingi tańda grant berýdiń ótinim qabyldaý jáne óńdeý protsesin avtomattandyrý sheńberinde grant pen syıaqyny basqarý servısterin qurý baǵytynda jumys júrgizilip jatyr», - dedi Madııar Qojahmet.