Keler jyly Astanada 9 mektep pen 8 balabaqshanyń qurylysy aıaqtalady

ASTANA. 13 jeltoqsan. QazAqparat - Astanada 2014 jyly 9 mektep pen 8 balabaqshanyń qurylysy aıaqtalyp, 4 mektep pen 3 balabaqsha salyna bastaıdy. Bul týraly astana.kz habarlady.

«Keler jyly Bilim nysandaryn damytý úshin 9 mekteptiń qurylysyn aıaqtaýǵa jáne 4 mektep salýǵa qarjy bólý kózdelgen. Sonymen qatar, 3 balabaqshanyń qurylysy jalǵasady, taǵy da 3 balabaqshany salý qolǵa alynady, 8 mektepke deıingi nysan paıdalanýǵa beriledi», - dep atap ótti qalalyq Ekonomıka jáne bıýdjettik josparlaý basqarmasynyń basshysy Janat Nurpeıisov óz baıandamasynda.

Aldaǵy jyly árqaısysy 800 oryndyq qurylys kásibi men baılanys jáne energııamen qamtý jónindegi 2 kásibı tehnıkalyq lıtseıdiń qurylysy jalǵasady.

Sondaı-aq, J.Nurpeıisovtyń aıtýynsha, 2014 jyly Astana qalasynyń bastaýysh synyp oqýshylarynyń 50 myńǵa jýyǵy tegin tamaqtandyrýmen qamtamasyz etiledi.