Keler jyly Astanada 8 jańa balabaqsha salynady
ASTANA. QazAqparat - Aldaǵy jyly Astanada 1800 oryndyq 8 balabaqsha men 3600 oryndyq 3 mektep salynady. Bul týraly Astana qalasynyń Ekonomıka jáne bıýdjettik josparlaý basqarmasynyń basshysy Janat Nurpeıisov Astana qalasy máslıhatynyń 45-shi sessııasy barysynda málimdedi.
Josparǵa sáıkes, aldaǵy jyly elordada áleýmettik nysandar qurylysy jalǵasady. Bilim uıymdarynan basqa densaýlyq saqtaý nysandary da salynady, sondaı-aq, balalarǵa arnalǵan juqpaly aýrýlar aýrýhanasy men týberkýlezge qarsy dıspanser paıdalanýǵa beriledi.
Jalpy, 2015 jylǵa arnalǵan elordalyq bıýdjet jobasy 335,1 mlrd teńgeni quraıdy. Bólingen qarjy áleýmettik máselelerdi sheshýge, qalalyq ınfraqurylymdy damytýǵa jáne memlekettik baǵdarlamalardy júzege asyrýǵa jumsalady, dep habarlaıdy elordanyń resmı saıtynan.
