Keler jyly «Astana - Oral» jáne «Pavlodar - Qaraǵandy» baǵdarlary boıynsha jolaýshylar poıyzyn iske qosý kózdelýde - KKM
ASTANA. 19 jeltoqsan. QazAqparat - 2013 jyly «Astana - Oral» jáne «Pavlodar - Qaraǵandy» baǵdarlary boıynsha jolaýshylar poıyzyn iske qosý kózdelýde.
Bul jaıynda QR Kólik jáne kommýnıkatsııa mınıstrligi taratqan aqparatta aıtylǵan.
«Turǵyndar tarapynan kóptegen ótinishterdiń túsýine baılanysty 2013 jyldan bastap «Astana - Oral» jáne «Pavlodar - Qaraǵandy» baǵdarlary boıynsha jolaýshylar poıyzyn iske qosý kózdelýde», - delingen vedomstvo aqparatynda.
Sonymen qatar vedomstvonyń atap ótýinshe, bıyl jolaýshylar poıyzy men vokzaldarda jolaýshylarǵa qyzmet kórsetýdiń standarttary ázirlengen. Ondaǵy maqsat - jolaýshylarǵa qyzmet kórsetýdiń biryńǵaı ádisin engizý jáne sapasyn arttyrý. Atalǵan standarttar qazir kelisilýde jáne 2013 jyly bekitiletin bolady.
