Keler jyly Ana men bala ortalyǵynda balalardyń onkologııalyq aýrýlaryn emdeıtin jańa bólimshe ashylady
ASTANA. 27 jeltoqsan. QazAqparat - Taıaýda Ana men bala ulttyq ǵylymı ortalyǵynyń (ABUǴO) gematoonkologııalyq bólimshesinde balalardaǵy jedel leıkozǵa jasalǵan ekinshi allogendi transplantatsııalaý operatsııasy sátti ótti.
Esterińizge sala keteıik, 2012 jyly 22 qarashada Ulttyq medıtsınalyq holdıngtiń Ana men bala ortalyǵynda Qazaqstanda ekinshi ret jedel T-jasýshaly lımfoblasty leıkozy bar balanyń jilik maıyn allogendi transplantatsııalaý operatsııasy Aqmola oblysynan kelgen 6 jasar Temirlan Myrzaǵalıǵa jasaldy.
Osyǵan oraı búgin uıymdastyryǵan baspasóz máslıhatynda sóz alǵan mamandardyń aıtýynsha, Temirlanǵa jilik maıynyń donory HLA-sáıkestik júıesi boıynsha tolyq saı kelgen onyń týǵan baýyry Meıirlan boldy. Búgingi kúnde jilik maıy ósip, bala jedel lımfoblasty leıkozdan jazylyp ketti. Temirlan úıine jiberiledi. Ózekti gemopoetıkalyq jasýshalar (jilik maıy) donorlyǵy tipti qaýipsiz ekendigin jáne qan donorlyǵyna uqsas ekendigin aıta ketken jón.
Transplantatsııalaýdyń bul túri Respýblıkalyq transfýzıologııa ǵylymı-óndiristik ortalyǵymen, ózekti jasýshalardy tıpteý jáne bólý zerthanasymen birlesip jumys jasaýdyń arqasynda múmkin boldy. Sonymen birge, R.Gorbacheva atyndaǵy Balalar gematologııasy jáne jilik maıyn transplantatsııalaý ınstıtýtynyń jilik maıyn transplantatsııalaý bólimshesiniń meńgerýshisi Sergeı Bondarenkonyń tikeleı ózi qatysty.
2013 jyly Qazaqstanda onkologııalyq balalarǵa kómek kórsetýdi damytý baǵdarlamasyna sáıkes «ABUǴO» AQ-da balalardaǵy onkologııalyq aýrýlardy emdeý boıynsha jańa bólimsheni ashý josparlanyp otyr. Osy bólimsheniń bazasynda onkologııalyq aýrýlarǵa shaldyqqan balalardyń jilik maıyn aýto-transplantatsııalaý júrgiziletin bolady. Búgingi tańda Ortalyq respýblıkada osyndaı aýyr syrqattardy emdeýge daıyn.
