Keler jyly Almaty qalasynyń jańa bas jospary bekitiledi
ALMATY. QazAqparat – Almaty qalasynyń 2040 jylǵa deıingi jańa bas jospary Úkimettiń sheshimimen 2023 jyldyń I toqsanynda bekitiledi. Bul týraly shahar basshysy Erbolat Dosaev qalalyq máslıhattyń kezekten tys sessııasynda aıtty, dep habarlaıdy QazAqparat tilshisi.
2040 jylǵa deıingi bas jospardy bekitý – qala aýmaqtarynyń árkelki damýyn joıýǵa, áleýmettik, ınjenerlik jáne kóliktik qamtamasyz etý, ınfraqurylym máselelerin sheshýge, Almaty halqynyń ómir súrý sapasyn jaqsartýǵa múmkindik beredi, -
dedi Almaty ákimi.
Ol sondaı-aq, qala turǵyndarynyń joǵary ómir súrý sapasyn qamtamasyz etý, qalanyń polıortalyq prıntsıpin damytý úshin zamanaýı ýrbanıstik sheshimder qoldanylatynyn, ol úshin megapolıste negiz bar ekenin atap ótti.
