Keler jyly Aqtóbeniń 150 jyldyǵy toılanbaq
AQTÓBE. QazAqparat - Keler jyly Aqtóbe qalasyna 150 jyl tolady. Jyl ishinde ınvestıtsııalyq forým men mádenı-tanymdyq keshter josparlanǵan, dep habarlaıdy QazAqparat tilshisi.
Aqtóbe qalasynyń 150 jyldyǵyna oraı 300-den astam shara ótedi. «Aqtóbe - qutty meken ardaǵy» atty ǵylymı - praktıkalyq konferentsııadan bastalyp, Qazan, Orsk, Helsıng, Ankara-Kechıeren qalalary arasynda ınvestıtsııalyq forým josparlanǵan.
«Qalamyzdyń 150 jyldyǵy men «Aqtóbe» oblystyq qoǵamdyq - saıası gazetiniń 95 jyldyǵyna arnalǵan «Jyr - kerýeni» atty jyrshy - jyraýlardyń respýblıkalyq baıqaýy, «Qutty meken ósken el - órkenıetke kóshken el» atty respýblıkalyq aqyndar aıtysy uıymdastyrylady. Eset batyr, Edige batyr, Jalańtós bahadúr, Sartaı batyr jáne Keńes Odaǵynyń Batyry Baýyrjan Momyshuly jáne vals karoli atanǵan Shámshi Qaldaıaqov, aǵaıyndy Jubanovtarǵa arnap eskertkish qoıylady», - dedi qala ákimi Іlııas Ispanov ákimdik avtıvinde.
Qalanyń mereıtoıy aıasynda balalarǵa arnalǵan konkýrstar ótedi. Sonymen qatar, bıyl ánshi Dımash Qudaıbergen arnaıy qatysqan «Baqytty bala» halyqaralyq vokaldyq baıqaýy da bar.
«Álııa gúli» qazaq bı ansambliniń jáne Reseı Federatsııasy Orynbor oblysynyń óner ujymdarynyń «Potantsýem ı spoem, sosedı?!» atty III vokaldi - horeografııalyq dostyq yqpaldastyq festıvali, respýblıkalyq djaz festıvali, ashyq aspan astynda retro-tehnıka men saǵat kollektsııasynyń kórme-ekspozıtsııasy, robototehnıkadan respýblıkalyq jarys ótedi. Estý múmkindigi shekteýli jandar arasynda «Sańyraýlyqqa baǵynba, ony ózińe baǵyndyr» atty HIV aımaqtyq festıvali, «Paraolımpıada atjarysy» oblys ákiminiń ashyq chempıonat kýbogi, «Aktobe: ız proshlogo k gorızontam býdýşego» taqyrybynda halyqaralyq konferentsııa josparlanǵan», - dedi qala ákimi.
