Keler jyldyń mamyrynan Astana-Şýche avtojoly aqyly bolady - A.Jumaǵalıev
ASTANA. 19 jeltoqsan. QazAqparat - Aldaǵy jyldyń mamyrynan bastap Astana-Şýche avtojoly aqyly bolady.
Bul týraly búgin QR Prezıdenti janyndaǵy Ortalyq kommýnıkatsııalar qyzmeti uıymdastyrǵan brıfıngte QR Kólik jáne kommýnıkatsııa mınıstri Asqar Jumaǵalıev málim etti.
BAQ ókilderiniń atalǵan máselege qatysy saýalyna jaýap bergen ol Astana-Şýche avtojoly aqyly bolatyndyǵyn aıta kele: «Biraq qazirgi kezde biz ony tehnıkalyq synaqtan ótkizip jatyrmyz. Bul sharalar aıaqtalǵannan keıin barlyq memlekettik organdarmen tıisinshe talap normalary qaralady. Ary qaraı bizdiń oıymyzsha, kelesi jyldyń mamyr aıynan bastap elimizdi alǵashqy aqyly jol iske qosylady», - dedi.
Mınıstrdiń atap ótýinshe, jol júrý aqysy qansha teńge kóleminde bolatyndyǵy ázirshe sheshilgen joq. «Qazirgi kezde memlekettik organdarmen tıisti sharalar júrgizip, ony naqtylaý ústindemiz. Anyqtalǵannan keıin BAQ arqyly jurtshylyqqa jetkizemiz», - dedi A.Jumaǵalıev.
