Keler jyldyń 1 shildesinen zeınetke shyǵatyn áıelder tólemdi eki ese kóp alady
ASTANA. QazAqparat - 2018 jyldyń 1 shildesinen zeınetkerlikke shyǵatyn áıelderdiń zeınetaqysy 2 esege ulǵaıtylady.
Bul týraly búgin Úkimet úıinde ótken baspasóz máslıhatynda QR Eńbek jáne halyqty áleýmettik qorǵaý mınıstri Tamara Dúısenova málim etti, dep habarlaıdy QazAqparat.
«Ózderińizde bilesizder, 2014 jyly zeınetaqyny odan ary jańǵyrtý jónindegi tujyrymdama, Zań qabyldandy. Soǵan sáıkes, 2018 jyldyń 1 qańtarynan bastap zeınet jasyn arttyrý bastalady. Biraq biz áıelderdiń zeınet jasyn 63-ke deıin arttyrýdy 10 jyl ishinde, 2018 jyldan 2028 jylǵa deıin júrgizemiz. ıAǵnı, áıel azamatshalarymyz 2028 jyly ǵana 63 jasqa tolǵanda zeınetkerlikke shyǵady», - dedi Tamara Dúısenova.
Onyń aıtýynsha, 2018 jyldyń 1 shildesinen bastap elimizde zeınetaqynyń bazalyq deńgeıi kóteriledi.
«Sondyqtan oǵan ilikken azamatshalardyń bazalyq zeınetaqylary 2 esege ulǵaıtylyp beriledi. ıAǵnı, azamatshalarymyz zeınetaqy kóleminen utatyn bolady. Ary qaraı áıelderdiń zeınet jasyn 63-ke deıin ulǵaıtý úshin jarty jyldan qosylyp otyrady», - dedi ol.
Mınıstrdiń sózine qaraǵanda, 2010 jyly qurylǵan Áleýmettik saqtandyrý qorynan dúnıege bala ákelgen analarǵa járdemaqy berilip keledi.
«Dúnıege bala ákelgen 150 myńǵa jýyq ana óz jalaqylarynyń 40 paıyzyn atalǵan qordan alatyn. 2016 jyly atalǵan qordan járdemaqy alatyn analardyń sany 255 myńǵa jetti. ıAǵnı 105 myńǵa artyp otyr. Demek, biz osy ýaqytta analardy jumysqa tartýǵa kóp kóńil bóldik degen sóz. Qazirgi ýaqytta jumys istep júrgen analardyń sany kóbeıýde»,- dedi Dúısenova.
