Keler jyldan bastap elimizge ákelinetin elektrondy tehnıkaǵa baj tómendeı bastaıdy

ASTANA. 22 qarasha. QazAqparat - 2013 jyldan bastap elimizge ákelinetin elektrondy tehnıkaǵa baj salyǵy tómendeı bastaıdy. Bul týraly búgin Keden isin jetildirý máseleleri jónindegi konsýltatıvtik keńeste Kedendik baqylaý departamentiniń kedendik kirister basqarmasynyń ókili Jasulan Esmuhanov málim etti.

Onyń aıtýynsha, turmystyq tehnıka men elektronıkaǵa baj salyqtary ózgermeıdi, biraq keıbir pozıtsııalar boıynsha 2013 jyldan bastap birtindep tómendeıdi. Atap aıtqanda, 2013 jyldyń 1 qańtarynan bastap uıaly telefondarǵa baj salyǵy qazirgi 5 paıyzdan 0-ge deıin tómendeıdi. Tehnıkanyń basqa túrleri boıynsha da baj salyqtary tómendetiledi.

«Eýrazııalyq ekonomıkalyq komıssııa qabyldaǵan sheshim boıynsha qazirgi kezde 5-10 paıyz qurap otyrǵan telekommýnıkatsııalyq jabdyqtarǵa baj salyqtary 2013-2015 jyly 0-ge teńestiriledi. Qııar ákelýge baj salyǵy 15 paıyzǵa deıin tómendeıdi, biraq jyl boıy 1 keli úshin 0,08 eýrodan kem bolmaıdy. Ol 16 mamyrdan 31 qazanǵa deıin 15 paıyz bolyp, 1 keli úshin kem degende 12 eýrony quraǵan bolatyn», - deıdi J. Esmuhanov.

Onyń aıtýynsha, Eýrazııalyq ekonomıkalyq komıssııanyń 2012 jyldyń shildesindegi sheshimi boıynsha baj salyǵy asyqpaı tómendetiletin taýarlar arasynda qus etine - 8 jyl, jeńil avtokólikter, tikushaqtar men azamattyq ushaqtarǵa - 7 jyl belgilengen.