Keler jyldan bastap elektr energııasynyń tarıfi ósedi

ASTANA. QazAqparat – Stantsııalardy kúrdeli jóndeýden ótkizý úshin keler jyldan bastap jaryqtyń tarıfteri kóterilýi múmkin. Bul týraly Ashyq NQA portalynda jarııalanǵan Energetıka mınıstriniń buıryǵynda jazylǵan, dep habarlaıdy QazAqparat tilshisi.

«2016 jyldan bastap 2022 jylǵa deıingi kezeńdegi ınflıatsııa koeffıtsıentin eskere otyryp, 2024 jyly qýattylyqtyń shekti tarıfiniń deńgeıi aıyna 1065 myń teńge (qazir 590 myń teńge), 2025 jyly 1215 myń teńge/MVt bolýy tıis. Bul salanyń ınvestıtsııalyq tartymdylyǵyn qamtamasyz etýge jáne avarııalyq jóndeýdiń jıilep ketken jaǵdaılaryn eskere otyryp, Qazaqstannyń elektr stantsııalaryn kúrdeli jóndeýge qosymsha ınvestıtsııalar tartýǵa múmkindik beredi», - delingen Energetıka mınıstriniń buıryq-jobasynda.

Qujatta jazylǵandaı, 2015 jyly energııa óndirýshi uıymdar salǵan ınvestıtsııalardyń jıyntyq kólemi 108 mlrd teńge bolǵan.

Buıryq 22 qyrkúıekke deıin kópshilik talqylaýda bolady.

Qosa ketsek, 1 qyrkúıekte Qazaqstan halqyna Joldaýyn jarııalaǵan Memleket basshysy elimiz elektr energııasy boıynsha kórshi elderge táýeldi bolmaý kerek ekenin aıtqan edi.