Keler jyly ushaq jáne poıyz bıleti qymbattaı ma

ASTANA. KAZINFORM – Kólik vıtse-mınıstri Maqsat Qalıaqparov Qazaqstandaǵy negizgi baǵdarlar boıynsha áýe reısteri men poıyzdardyń sany artatynyn aıtty.

Búgin Úkimet otyrysynan keıingi brıfıngide tilshiler aldaǵy mereke kúnderine oraı jolaýshylar tasymalyna arnalǵan qosymsha kólik sanyn kóbeıtý múmkindigi týraly surady.

- Áýe reısteriniń sany artady. Bul turǵyda jolaýshylar syıymdylyǵy joǵary úlken ushaqtar da, qosymsha reıster de negizgi baǵyttar boıynsha belgilenedi. Olardyń qatarynda Almaty, Shymkent jáne Aqtaý bar. Temirjol baǵyttaryna da qosymsha poıyzdar qosylady, - dedi M. Qalıaqparov.

Sonymen qatar ol bılet qunyn qymbattatý josparda joq ekenin aıtty.

- Jolaýshylardyń 50 paıyzdan astamy óz saparlaryn aldyn ala josparlaıdy, ıaǵnı bıletterdi erterek satyp alady. Ózderińiz bilesizder, bıletti erterek alsa, baǵasy da arzanyraq bolady. Sonymen qatar, keler jyly bılet baǵasyn kóterý josparda joq, - dedi vıtse-mınıstr.

Aıta keteıik, Túrkistannan Ózbekstannyń úsh qalasyna jańa áýe reısi ashylady.