Keler jyly Ózbekstanda halyq sanaǵy júrgiziledi

TAShKENT. KAZINFORM – 2026 jyly 15 qańtar men 28 aqpan aralyǵynda Ózbekstanda halyq sanaǵy júrgiziledi, dep habarlaıdy Kazinform agenttiginiń menshikti tilshisi.

Josparǵa saı, sanaq eki ádis arqyly júrgiziledi: biri – derekterdi onlaın jınaqtaý, ekinshisi – úı aralaý. 

– Mundaı jańa format shyǵyndardy edáýir qysqartýǵa múmkindik beredi. ıAǵnı, 1,3 trln sým (shamamen $105,1 mln) únemdeledi. Sanaq qarapaıym ári ashyq júrgiziledi, - delingen Ózbekstan prezıdentiniń baspasóz qyzmeti taratqan habarlamada. 

Sanaq nátıjesinde 38 mln halyqtyń quramy, turǵyndardyń otbasylyq jaǵdaıy, qyzmeti men tabys kózderi týraly biryńǵaı derekter bazasy qurylady. 

Toqtala ketsek, Ózbekstanda halyq sanaǵy 1989 jyldan beri júrgizilmegen. Pandemııaǵa baılanysty ol 2022 jyldan 2023 jyldyń qarashasyna aýystyryldy, keıin 2026-2027 jyldarǵa shegerildi. 

Eske salaıyq, byltyr naýryzda Ulttyq statıstıka komıtetiniń ókili Kobıl Berdıkýlov Ózbekstanda halyq sanaǵyn ótkizý úshin 800 mlrd sým ($63,4 mln) qajet ekenin málimdegen bolatyn.

Qosa ketsek, bıyl 12 qyrkúıektegi derekke saı, Ózbekstandaǵy turaqty halyq sany 38 029 155 adam.