Keler jyly Ózbekstan men Qytaı birlesip, ǵaryshqa spýtnık ushyrady
TAShKENT. KAZINFORM — 2026 jyly Ózbekstan men Qytaı ǵaryshqa Jerdi qashyqtyqtan zondtaıtyn spýtnık ushyrýdy josparlap otyr, dep habarlaıdy Kazinform agenttiginiń menshikti tilshisi.
Tıisti memorandýmǵa «Ózbekǵarysh» agenttigi men qytaılyq «STAR.VISION» kompanııasynyń ókilderi qol qoıdy. 2028 jyly Samarqandta uıymdastyrylatyn Halyqaralyq astronavtıka kongressiniń qurmetine oraı, spýtnıkke «Samarqand-2028» ataýy berilmek.
Kelisimge sáıkes, Jerdi qashyqtyqtan zondtaý spýtnıgine arnalǵan jasandy ıntellekt modýlin «Ózbekǵarysh» agenttiginiń mamandary ázirleıdi. Jerserik aýa sapasyn baqylaý, dándi-daqyldardyń ónimdiligi men orman alqaptaryndaǵy jaǵdaıdy qadaǵalap otyrýǵa múmkindik beredi. Keıin spýtnıktiń kómegimen jasalǵan sýretterge agenttikte taldaý jasalyp, aqparat jaýapty vedomstvolarǵa joldanady.
Eske salaıyq, keler jyly Ózbekstan Túrki memleketteri uıymyna múshe eldermen birlesip ǵaryshǵa spýtnık ushyrmaq.
Byltyr Ózbekstan ǵarysh keńistigin zertteýge baǵyttalǵan halyqaralyq shartqa qosylǵan edi.
Buǵan deıin habarlaǵanymyzdaı, Qazaqstan men Ózbekstan ǵarysh salasyndaǵy seriktestikti nyǵaıtýǵa nıetti.