Keler jyly Ózbekstan memlekettik bıýdjettiń 55% áleýmettik salaǵa baǵyttamaq

TAShKENT. KAZINFORM — Ózbekstan Senaty respýblıkanyń «2026 jylǵa arnalǵan memlekettik bıýdjeti týraly» zańdy maquldady, dep habarlaıdy Kazinform agenttiginiń menshikti tilshisi. 

Qujatqa sáıkes, 2026 jyly memlekettik bıýdjet shyǵystary — 402,6 trln sým (shamamen $33,4 mlrd), bul rette kirister 368,9 trln sým ($30,6 mlrd) shamasynda bolady. Inflıatsııa — 7%, al bıýdjet tapshylyǵy ishki jalpy ónimniń 3 paıyzynan aspaýy tıis.

Málim bolǵandaı, keler jyly memlekettik bıýdjettiń 55%-y nemese 220 trln sým ($18,3 mlrd) áleýmettik salaǵa baǵyttalady. Sondaı-aq, bilim berý sektoryna 100 trln sým ($8,3 mlrd) jáne densaýlyq saqtaý salasyna 49 trln sým ($4 mlrd) bólinedi, bul bıylmen salystyrǵanda 11,4%-ǵa kóp.

Eske salaıyq, 1 qazandaǵy jaǵdaıǵa sáıkes, Ózbekstannyń memlekettik qaryzy 43,9 mlrd dollarǵa jetti.

Buǵan deıin habarlaǵanymyzdaı, Ózbekstan kóleńkeli ekonomıkanyń ishki jalpy ónimdegi úlesin 29%-ǵa deıin tómendetýge nıetti. Taıaýda Ózbekstan ekonomıkasynyń 8,3 mlrd dollardan asa qarajaty kóleńkede qalyp otyrǵanyn jazyp edik. Osylaısha, ol ishki jalpy óniminiń 33,3 paıyzyna teńelip otyr.