Keler jyly «Ortalyq Azııa – Eýroodaq» sammıti Ózbekstanda ótedi
TAShKENT. KAZINFORM – «Ortalyq Azııa – Eýroodaq» formatyndaǵy kezekti sammıt keler jyly Ózbekstanda ótpek. Bul týraly «Ortalyq Azııa - Germanııa» sammıtine qatysqan kórshiles eldiń prezıdenti Shavkat Mırzıeev málim etti, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstan basshysy sammıt barysynda
formatyndaǵy memleket basshylarynyń kezdesýi yntymaqtastyqty nyǵaıtýǵa tyń serpin berip kele jatqanyn atap ótti.
«Biz ashyq ári nátıjege negizdelgen dıalog qurdyq, shekara, sý, energetıka, saýda jáne tranzıt baǵytyndaǵy kóptegen máseleni óz betimizshe sheship kelemiz. Sondaı-aq, «Ortalyq Azııa +» formaty aıasynda álemniń jetekshi elderimen ózara is-qımyldy tereńdete tústik. Bizdiń aımaqtyń erteńi, onyń qaýipsizdigi men turaqty damýy tek bizdiń saıası erik-jigerimizge baılanysty ekenin anyq bilemiz», - dep toqtaldy Ózbekstan prezıdenti.
Shavkat Mırzıeevtiń sózinshe, keler jyly Ózbekstan «Ortalyq Azııa – Eýroodaq» formatyndaǵy kezekti sammıtti qabyldamaq.
«Biz kelesi jyly Ózbekstanda «Ortalyq Azııa – Eýroodaq» formatyndaǵy kezekti sammıtti ótkizýge daıyndalyp jatyrmyz. Ol óńirdiń bolashaǵy úshin ınvestıtsııa tartý taqyrybyna arnalmaq», - dep málim etti Sh.Mırzıeev.
Eske salaıyq, búgin Astanada «Ortalyq Azııa – Germanııa» sammıti ótti.
