Keler jyly kúsh qurylymdarynyń shyǵystary 2,7 trln teńge somasynda belgilendi

ASTANA. KAZINFORM – 2025 jylǵa arnalǵan kúsh qurylymdarynyń shyǵystary 2,7 trln teńge kóleminde bolady. Bul týraly Májiliste «2025-2027 jyldarǵa arnalǵan respýblıkalyq bıýdjet týraly» zań jobasyn tanystyrý kezinde QR Qarjy vıtse-mınıstri Abzal Beısenbekuly aıtty. 

«Memlekettik qyzmetter kórsetý úderisterin jetildirýge, baılanys, aeroǵarysh salasyn damytýǵa jáne aqparattyq qaýipsizdik deńgeıin arttyrýǵa 3 jyldyq kezeńge 385 mlrd teńge somasynda qarajat kózdelgen, onyń ishinde 2025 jylǵa – 123 mlrd teńge», - dedi A. Beısenbekuly.

Budan bólek ol 2025 jylǵa arnalǵan kúsh qurylymdarynyń shyǵystary 2,7 trln teńge kóleminde josparlanǵanyn aıtty. Jalpy, memlekettiń qorǵanys qabileti men qaýipsizdigin qamtamasyz etý, quqyqtyq tártipti qorǵaý jáne ishki turaqtylyqty qoldaý jónindegi is-sharalar tolyq kólemde júzege asyrylady.

«Úkimettik boryshqa qyzmet kórsetýge shyǵystar 2,5 trln teńge somasynda josparlandy. Bul kólem Memlekettik qarjyny basqarýdyń tujyrymdamasy aıasynda qarastyrylǵan bıýdjettik erejege sáıkes keledi. Shuǵyl shyǵyndardy qamtamasyz etý jáne tótenshe jaǵdaılardy joıý úshin Úkimet rezervine shamamen 400 mlrd teńge baǵyttaý eskerilgen. Memleket basshysynyń bastamalaryna 100 mlrd teńge qarastyryldy», - dedi vıtse-mınıstr.

Budan buryn habarlanǵandaı, 2025 jyly áleýmettik salanyń shyǵystary artady.