Keler jyly Qosshyda jańa elektr energııasy stantsııasy salynady

ASTANA. KAZINFORM — 2026 jyly Qosshy qalasynda jańa elektr energııasy stantsııasynyń qurylysy bastalady. Bul týraly Aqmola oblysynyń ákimi Marat Ahmetjanov málim etti. 

— Bıyl 165 shaqyrymdy quraıtyn alty elektr jelisi jobasy iske qosylady. Onyń qatarynda Qaraótkel, Aqmol, Qarajar, Jaltyrkól, Jibek joly aýyly jáne Qosshy qalasy bar. Elektr jelileri tapshylyqty joıýǵa múmkindik beredi jáne elorda mańyndaǵy 30 myńnan astam turǵyndy úzdiksiz jaryqpen qamtamasyz etedi. Sonymen qatar Qosshy qalasynda elektr energııasy tapshylyǵyn sheshý úshin úsh qosalqy stantsııanyń jobalaý jumystary aıaqtalýǵa jaqyn, onyń ishinde «Severnaıa» jáne «Garden Vıladj» jańǵyrtylady jáne «Jannat» jańa elektr stantsııasy, onyń qurylysy 2026 jyly bastalady, — dedi Marat Ahmetjanov ortalyq kommýnıkatsııalar qyzmeti alańynda óńirdiń áleýmettik-ekonomıkalyq damý áleýeti týraly esep bere turyp.

Oblys ákiminiń málimdeýinshe, qosalqy stantsııalar 9 shaǵyn aýdandy elektrmen turaqty qamtamasyz etedi. 

— Sonymen qatar kelesi jyly Kókshetaý qalasynda eki qosalqy elektr energııasy stantsııasyn salý josparlanyp otyr, — deıdi ol.

Buǵan deıin habarlaǵanymyzdaı bıyl 7 myńnan astam aqmolalyq turǵyn úı jaǵdaıyn jaqsartty. 

Bıyl Aqmola oblysynyń dıqandary rekordtyq kólemde astyq jınady. 

Aıta keteıik, Aqmola oblysynda astyqty tereń óńdeıtin alǵashqy zaýyt qurylysy bastaldy.