Keler jyly Ertis-Baıan óńirinde úsh aýysymdy mektepter bolmaıdy

PAVLODAR. KAZINFORM – Qazirgi ýaqytta oblysta 1 900 oqýshy orny tapshy. Salynyp jatqan mektepter men qosymsha ǵımarattardan keıin bul másele keler jyly tolyqtaı sheshiledi.

Bıylǵy oqý jylynda óńirdegi oqý oryndarynyń tapshylyǵy úsh esege azaıǵan. Ótken oqý jylynda 600-den astam oryn tapshy bolsa, qazirgi kúni 1 900 orynǵa deıin tómendegen.

– Oqý oryndary tapshylyǵyn azaıtýǵa «Dostyq» shaǵyn aýdanynda ashylǵan jańa mektep te áser etti. Qazirgi ýaqytta oblys ortalyǵynda 600 oqýshyǵa arnalǵan taǵy bir jańa mektep salynyp jatyr. Buǵan qosa Ahmet Baıtursynuly atyndaǵy mektepte 288 oqýshyǵa arnalǵan qosymsha ǵımarat turǵyzylýda. Sondaı-aq keler jyly Ýsolka shaǵyn aýdanynda 1 200 oqýshyǵa laıyqtalǵan taǵy bir jańa mektep iske qosylýy kerek, - deıdi oblystyq bilim berý basqarmasynyń basshysy Aıgerim Ábenova.

Nátıjesinde aımaqtaǵy úsh aýysymdy mektepter máselesi tolyǵymen sheshiledi dep kútilip otyr.

Eske sala keteıik, Pavlodarda 1 200 oqýshyǵa arnalǵan qazaq mektebi ashyldy.