Keler jyly benzın baǵasy kúrt ósýi múmkin be
ASTANA. KAZINFORM — Benzın baǵasynyń kúrt ósýine jol berilmeıdi. Bul týraly Energetıka mınıstri Erlan Aqkenjenov málim etti.
— Qazir moratorıı aıasynda baǵany ustap turmyz. Biraq keler jylǵy baǵaǵa qatysty aıta almaımyn… Qazaqstanda áleýmettik salaǵa qoldaý kórsetý saıasaty júrgizilip keledi. Atap aıtqanda, otyn baǵasynyń kúrt ósýine jol berilmeıdi. Sebebi, bul sala halyqtyń ómir súrýine jaǵdaıyna áser etetinin eskere otyryp. Sondyqtan bul máseleni baqylaýda ustaımyz, — dedi E. Aqkenjenov Parlament Májilisinde tilshiler suraǵyna jaýap bere otyryp.
Aıta keteıik, taıaýda Úkimet benzın men tarıf baǵasyna moratorıı engizilip, ıpoteka kólemi ulǵaıtý sheshimin jarııa etken bolatyn.
Osy oraıda bıylǵy 16 qazannan bastap ınflıatsııa deńgeıi turaqtanǵanǵa deıin AI-92 markaly benzın men dızel otyny baǵasyn odan ári kóterýge moratorıı engizildi. Premer-mınıstr Energetıka mınıstrligine Básekelestikti qorǵaý jáne damytý agenttigimen jáne óńir ákimdikterimen birlesip, tıisti qadaǵalaý júrgizýdi, sondaı-aq ishki naryqty JJM-men úzdiksiz qamtamasyz etý úshin qajetti sharalar qabyldaýdy tapsyrdy.