Keler jyly Alakól men Balqashqa aparatyn jol paıdalanýǵa beriledi – Jetisý ákimi

Keler jyly Alakól men Balqashqa aparatyn jol paıdalanýǵa beriledi. Búginde atalǵan jol 90% daıyn. Sondaı-aq Alakólge Talgo poıyzy qatynaı bastaıdy, habarlaıdy Kazinform. 

«Týrızm salasynda ınfraqurylymdy damytýdaǵy máseleniń biri – jol. Alakól men Balqashqa aparatyn jol kelesi jyly beriledi. Joldyń 90 paıyzy daıyn. Balqashqa aparatyn joldy 2024 jyldyń qarashanyń sońyna deıin bitiremiz. Sondaı-aq byltyr Úsharal áýejaıy tolyq jóndeýden ótti. Úlken ushaqtardy qabyldaı alady. Odan bólek, Alakól mańyndaǵy Aqshı aýylyna Talgo poıyzy qatynaı bastaıdy», - dedi Jetisý oblysynyń ákimi Beıbit Isabaev Ortalyq kommýnıkatsııalar qyzmeti alańynda ótken baspasóz máslıhatynda.

Aıta keteıik, Jetisýda oblysynda bıyl 3 myńnan astam páter beriledi. 

Buǵan deıin Jetisý oblysynda ekonomıkanyń ósý qarqyny 112,9% jetkenin habarlaǵan edik. 

Odan bólek, atalǵan óńir dándi daqyldardyń kólemi jaǵynan Jetisý oblysy alǵashqy tórttikke kiredi. 

Bıyl orta jáne shaǵyn bıznes salasy oblys bıýdjetine 33 mlrd teńge túsirdi.