Keler jyly Aqtóbede qaı joldar jóndeledi?
AQTÓBE. KAZINFORM – Aqtóbe oblysynda keler jyly 40-qa jýyq joba júzege asyrylady. Qazirgi kezde jobalardy qarjylandyrý úshin bıýdjettik ótinim berildi.
Aqtóbe oblysynda 2025 jylǵa arnalǵan jobalar jospary daıyndalyp jatyr. Olardyń arasynda bıyl bastalyp, keler jyly jalǵasatyn aýyspaly jol qurylysy bar. Kazinform tilshisi óńirdegi jol jóndeý jumystary týraly surap bildi. Máselen bıyl Aqtóbe qalasynda Ǵazıza Jubanova kóshesi jańǵyrtyldy. Uzyndyǵy 2,8 shaqyrymdy quraıtyn joldyń quny 4 mlrd teńgeden asady. Keler jyly «Progress KZ» JShS-i jol salýdy tolyq aıaqtaýy tıis. Bıyl jeltoqsanda birinshi qabatyn tósep, ýaqytsha qoldanysqa berdi. Sonymen birge Aqtóbe qalasynda Ońtústik-Batys-1, Ońtústik-Batys-2, Qyzyljar-3, Kirpishti, ónerkásip aımaǵyna shyǵatyn Shestıhatka aýdanynda avtomobıl jolyn salý, kúrdeli jóndeý jumysy júrgiziledi. Aqtóbe qalasynyń Baýyrlastar-4, Jańaqonys-3, Jańaqonys-4, ıAsnyı-2 turǵyn alaptarynda jáne K.Nokın kóshesinde jol salynyp, jóndeledi. Tómengi Qarǵalyda mektepke aparar jol salynady. Bıyl keshirek jol qurylysyn júrgizgen «Atyraýınjstroı-AIS» JShS-i 15 kóshedegi joldy keler jyly tolyq salyp bitirýi tıis.
Sonymen birge Aqtóbe qalasy Kirpishti eldi mekenindegi Elek ózeni arqyly ótetin kópirdi qaıta jańartý jumysy jalǵasady. Kópirdiń eni 12, al uzyndyǵy 300 metrden asady. Jańa kópir qoldanysqa berilgen soń eskisi jabylyp, jóndeledi.
Aqtóbe oblysy ákiminiń baspasóz qyzmetiniń habarlaýynsha keler jyly aýdandarda kelesi joldar jóndeledi.
Olar:
- «Shalqar-Bozoı-ÓR shekarasy (Nókis)» oblystyq mańyzy bar avtomobıl jolynyń 188-203 km aralyǵy;
- Áıteke bı aýdanyndaǵy «Svetlyı-Qumkudyq-Jabasaq-Baıjankól» aýdandyq mańyzy bar jolynyń 0-10 km ýchaskesi;
- Alǵa aýdanynyń aýdandyq mańyzy bar «Alǵa-Toqmansaı» avtomobıl jolynnyń 25-38 km, 38-51 km aralyǵyn ortasha jóndeý, «Alǵa-Qarabulaq» baǵytyndaǵy kópirdi qaıta jańartý;
- Baıǵanın aýdanynyń «Kemershi aýylyna kireberis» aýdandyq mańyzy bar avtojolynyń 0-14 km ýchaskesin, «Qaraýylkeldi-Altaı batyr-Mııaly-Oımaýyt» aýdandyq mańyzy bar avtojolynyń 157-171,3 km ýchaskesin ortasha jóndeý, Qaraýylkeldi aýylyndaǵy Baraq batyr kóshesiniń avtomobıl jolyn qaıta jańartý, Kúltaban aýyldyq okrýgi Jarly aýylyndaǵy Alen Maqybaev kóshesi avtomobıl jolynyń qurylysy;
- Yrǵyz aýdanyndaǵy «Qutıkól-Jarma-Quıylys-Jaısanbaı» aýdandyq mańyzy bar avtojolynyń 0-15, 15-23 km ýchaskesin ortasha jóndeý, Yrǵyz aýylyndaǵy kentishilik avtojoldaryn salý (Shonanov, Abaı, Áıteke bı, Aral, Shahın, Astana kósheleri);
- Mártók aýdanynyń «Mártók-Dmıtrıevka-Baıtorysaı-Poltavka» aýdandyq mańyzy bar jolynyń 15-30 shaqyrymy aralyǵyn, Mártók aýdanynyń Baıtursynov jáne Seıfýllın kóshelerindegi kentishilik joldardy ortasha jóndeý;
- Muǵaljar aýdanynyń «Qarakól-Aşysaı» aýdandyq mańyzy bar jolynyń 0-15, 15-30 km ýchaskesi aralyǵyn ortasha jóndeý;
- Hromtaý aýdanynyń Aqqudyq aýylyna kireberis aýdandyq mańyzy bar jolyn, «Dóń – Sarysaı» aýdandyq mańyzy bar avtomobıl jolynyń 0-6,46 km aralyǵyn ortasha jóndeý, Hromtaý qalasyndaǵy qalaishilik avtomobıl joldarynyń 11 kóshesin ortasha jóndeý.
Eske salsaq, bıyl Aqtóbe oblysynyń joldaryn jóndeýge barlyq deńgeıdegi bıýdjetten 69,5 mlrd teńge bólindi. Bul — 186 jobaǵa baǵyttalǵan qarjy. Nátıjesinde 557,9 shaqyrymǵa asfalt tóseý josparlanǵan.