Kekýshınkaı karate-dodan HІІ ashyq Azııa chempıonatynda qazaqstandyqtar beıresmı jalpykomandalyq esepte 1 oryn aldy
ALMATY. Qazannyń 18-i. QazAqparat /Erlik Erjanuly/ - Qazannyń 16-sy kúni kekýshınkaı karate-dodan Astanada ótken HІІ ashyq Azııa chempıonatynda qazaqstandyqtar 5 altyn,
6 kúmis jáne 4 qola júldege ıe boldy. Sóıtip beıresmı jalpykomandalyq esepte 1 oryn aldy. Básekege 9 elden 70-ke jýyq sportshy qatysty. Onda erler, áıelder jáne jasóspirimder arasyndaǵy bul dúbirli dodada el namysyn 35 sportshy qorǵaǵan bolatyn.
Áıelder arasynda 60 keliden joǵary salmaqta qazaqstandyqtar qarsylas shaq keltirmedi. Onda júldeli 1-3-inshi oryndy Nargız Kenjebek, Elvıra Ábilǵazına, Nazgúl Malynbaeva ózara bólisti. Aqtyq synda japondyq Samamı Shımadanyń osal tusyn taba almaǵan Gúlsanat Samǵalıeva (60 kg) kúmis júldeger atandy. Erler arasyndaǵy saıysta 75 keliden joǵary salmaqta japondyq Kengora Ýgıdoǵa ese jibergen Azamat Tókenov pen Aslan Mustafın 2-3-shi oryndy ózara bólisti. Al 75 keli salmaqta japondyq sportshylar Masanago Nakomýra, ıÝtta Savomýro men ıÝkkı Inaokı júldeli oryndardy ózara sarapqa saldy. Onyń esesin jasóspirimder tolyqtyrdy. Olar el qorjynyna 4 altyn, 2 kúmis, 2 qola júlde saldy. Onda Danııar Eleýsinov (55 kg), Naýryzhan Qorqyt (60 kg), Aıan Bekseıitov (65 kg) pen Vasılıı Kýprenovıch (+65 kg) Azııa chempıony atandy. Islambek Jumabek (55 kg), Máýlen Shaımın (60 kg), Nurzada Turabaev (+65 kg) kúmis, al Sabyrbek Qojahmetov (60 kg) pen Aslan Sádýaqasov (65 kg) qola júldeger boldy.
