«Kekshilder» AQSh-tyń kassalyq fılmderiniń úzdik úshtigine endi
ASTANA. 27 maýsym. QazAqparat - Bıyl jaryqqa shyqqan «Kekshilder» ("Mstıtelı") fılmi AQSh prokatynyń tarıhynda aqsha jınaýdan «Avatar» men «Tıtanıkten» keıin úshinshi orynǵa taban tiredi. Bul týraly lenta.ru jazady.
Walt Disney stýdııasy shyǵarǵan fantastıkalyq fılm sáýirden beri 1,438 mlrd. dollar jınap úlgergen (onyń 600 mıllıony AQSh-ta).
Kartınanyń bıýdjeti 220 mln. dollardy quraǵan. Sarapshylardyń boljamy boıynsha ol «Tıtanıktiń» túpnusqasyn basyp ozýy ǵajap emes, alaıda onyń jańadan shyqqan 3D formattaǵy nusqasyn qýyp jetýi neǵaıbyl.
«Kekshilder» fılminde Marvel komıksterinen jaqsy tanys Temir adam (Jeleznyı chelovek), Kapıtan Amerıka, Tor jáne Halk sııaqty keıipkerler birge júredi. Olardy jáne basqa keıipkerlerdi Krıs Evans, Mark Rýffalo, Robert Daýnı-kishi, Skarlett Iohansson, Krıs Hemsvort, Semıýel L. Djekson sııaqty tanymal akterler somdaǵan. Kartınanyń rejısseri Djoss Ýıdon.
2009 jyly shyqqan «Avatar» álemdegi eń kassalyq fılm bolyp qala bermek. Ol 2,782 mlrd. dollar jınaǵan. Ekinshi orynda «Tıtanık» (1997) - 2,185 mlrd. dollar.
