«Kek alýshylar: Altron dáýiri» fılmi AQSh-taǵy alǵashqy kórsetiliminde $84,5 mln tabys ákeldi
ASTANA. QazAqparat - Kóptegen elderde, onyń ishinde TMD sáýir aıynda kórsetilip úlgergen «Kek alýshylar: Altron dáýiri» epıkalyq blokbasteriniń premerasy AQSh-ta tek 1 mamyrda ǵana boldy, alǵashqy kúni-aq ol $84,5 mln paıda túsirdi, dep habarlaıdy Vestı. Rý.
Bul atalmysh kınotýyndyǵa amerıkandyq prokattaǵy eń kassalyq týyndylar reıtınginde fılmniń ekinshi oryn alýyna múmkindik berdi. Sarapshylar demalys kúnderi kartınadan túsetin qarajat $207,4 mln jetedi dep boljap otyr. Esterińizge sala keteıik, sáýir aıynda elimizdiń barlyq kınoteatrlarynda «Kek alýshylar: Altron dáýiri» epıkalyq blokbasteri qazaq tilinde kórsetile bastaǵan edi. Qazaqsha dýblıajdyń rejısseri - Tımýr Balymbetov. Tuńǵysh ret dýblıajdyń aktrısasy belgili ánshi Maqpal Isabekova boldy, ol bul fılmde keıipker Skarlett Iohansonnyń daýysyn dybystady. Fılmniń basty keıipkerleriniń daýysyn dybystaǵan qazaqstandyq akterler: Jasulan Baısalbekov (Altron), Beıbit Qamaranov (Tor), Erjan Jarylqasynov (Temir adam), Erǵalı Tólebaev (Kapıtan Amerıka), Baqytjan Jarmuhambetov (Qyran Kóz), Samat Qordabaev (Halk).
