Kek almaq bolǵan: Jezqazǵanda er adam oqýshy qyzǵa pyshaq saldy
3 maýsym kúni keshke qalalyq polıtsııa bólimine 14 jastaǵy mektep oqýshysy pyshaq jaraqatymen medıtsınalyq mekemege jetkizilgeni týraly habarlama túsken. Jasóspirimniń baqytyna oraı, alǵan jaraqaty aýyr bolmaǵandyqtan aýrýhanaǵa jatqyzylmaǵan. Oqıǵa jábirlenýshiniń úıiniń janynda bolǵan. Oǵan beıtanys er adam taıanyp, kenetten pyshaq jumsaǵan. Osydan keıin shabýylshy qashyp ketken.
«Ýchaskelik polıtsııa ınspektorlary saýatty jedel is-qımyl júrgize otyryp, izin sýytpaı kúdikti – 20 jastaǵy jas jigitti ustady. Ol buzaqylyq nıetpen jábirlenýshige dene jaraqatyn salǵanyn moıyndady. Qaskúnemniń aıtýynsha, ol qyzdarmen qarym-qatynas qura almaǵan jáne olardan kek alýdy sheshken. Jas jigit pyshaqpen qarýlanyp, keshke qaraı kóshege shyqqan. Onyń kózine birinshi bolyp atalǵan jábirlenýshi túsken. QR QK-niń 293-baby «Buzaqylyq« boıynsha qylmystyq is qozǵaldy. Tergeý júrip jatyr», - dep habarlady Qaraǵandy oblystyq Polıtsııa departamentiniń baspasóz qyzmetinen.
Qazirgi ýaqytta kúdiktige qatysty bultartpaý sharasy tańdalýda.