KEGOK 2023 jylǵy taza tabysynan jelini jańartýǵa aqsha jumsamaıdy

«KEGOK» aktsıonerlik qoǵamynyń basqarma tóraǵasy Nábı Aıtjanov kásiporynnyń 2023 jylǵy taza tabysy qaıda jumsalatynyn aıtty, dep habarlaıdy QazAqparat tilshisi. 

Kásiporyn aktsııalarynyń SPO-ǵa shyǵarylýyna baılanysty ótken brıfıngide aktsıonerlik qoǵamnyń basqarma tóraǵasy Nábı Aıtjanov 2023 jyly jyldyq taza tabys 31,5 mlrd teńge kóleminde bolatynyn málim etti.

Biraq atalǵan qarajat kompanııa balansyndaǵy eskirgen jelilerdi jóndeýge jumsalmaıdy. Bul jóninde ol jýrnalıst suraǵyna bergen jaýabynda aıtty.

«Kompanııanyń taza tabysy dep otyrǵan 31,5 mlrd teńge tolyǵymen dıvıdentterge tólenedi. Al jelini jańǵyrtýǵa ammortızatsııalyq tólemder jumsalady», - dedi KEGOK basqarma tóraǵasy.