KEGOK baıqaýynda QazAqparat «Jedel aqparat» taratýshy atandy
ASTANA. QazAqparat - «KEGOK» AQ jyl saıynǵy respýblıkalyq jáne aımaqtyq BAQ arasyndaǵy shyǵarmashylyq baıqaýdyń qorytyndysyn shyǵardy, dep habarlaıdy «QazAqparat» HAA tilshisi.
Kompanııa búgin Qazaqstannyń Ulttyq elektr energetıkasy júıesin damytý jáne «KEGOK» AQ ınvestıtsııalyq jobalarynyń ózekti máselelerin jazǵan úzdik materıaldarǵa respýblıkalyq jáne aımaqtyq BAQ arasyndaǵy shyǵarmashylyq baıqaýdyń qorytyndysyn jarııalady. 2017 jyly baıqaý komıssııasynyń qaraýyna qazaqstandyq BAQ-ta (ınternet BAQ-ty qosqanda) jaryq kórgen 103 jarııalanym usynylǵan. Olardyń ishinen mazmuny jaǵynan baıqaýdy ótkizý talaptaryna jaýap beretin 63 materıal tańdalyp alynǵan.
«Búgin biz baıqaýdyń qorytyndysyn jarııalap otyrmyz. Biz jyl saıyn osy baıqaýdy ótkizip otyramyz. Kompanııamyzdyń 20 jyldyǵy qarsańynda BAQ ókilderi jumysymyz týraly keńinen aqparattyq qoldaý bildirdi. Kompanııa ujymynyń atynan jeńimpaz dep tanylǵan BAQ ujymdary men ókilderin shyn júrekten quttyqtaımyn», - dedi «KEGOK» AQ basqarma tóraǵasy Baqytjan Qajıev.
Baıandaý ereksheligi pen janrlaryna sáıkes, kásibı sheberlikterin, taqyryptyń ózektiligin, materıaldardyń mańzdylyǵyn eskere otyryp, komıssııa baıqaýdy ótkizý tártibine sáıkes, 10 atalymdy anyqtap, kelesi BAQ kózderi men tilshilerdiń jumysyn úzdik dep tapty.
«Júıelilik jáne derektilik» atalymy boıynsha - «Energy.media» aqparattyq-salalyq resýrsynyń redaktsııasy;
«Aımaqtyq sholý» atalymy boıynsha - Erlan Ahmetov, «Aqkól» ómiri aýdandyq gazetiniń qoǵamdyq-saıası gazetiniń tilshisi;
«Aqparattyq áriptes» atalymy boıynsha - «Interfaks-Qazaqstan» jańalyqtar portalynyń redaktsııasy;
«Jedel aqparat» atalymy boıynsha - «QazAqparat» Halyqaralyq aqparat agentiginiń redaktsııasy;
«Úzdik salalyq taldaý» atalymy boıynsha - «Ekspert Qazaqstan» isker jýrnalynyń redaktsııasy;
«Ózektilik» atalymy boıynsha - Jansaıa Omarbekova, «Arqa aqshamy» Qaraǵandy qalalyq gazetiniń tilshisi;
«Ózekti jarııalanym» atalymy boıynsha - Gúlnur Qýanyshbekqyzy, «Egemen Qazaqstan» respýblıkalyq gazetiniń redaktsııasy;
«Úzdik jarııalanym» atalymy boıynsha - «Kýrsıv» gazetiniń redaktsııasy;
«Aqparattyq qoldaý» atalymy boıynsha - Dýlat Ábıbýllaev, «Qazaqstan» ulttyq arnasynyń tilshisi;
«Úzdik aqparattyq sholý» atalymy boıynsha - «Lıter» respýblıkalyq gazetiniń redaktsııasy.
Baıqaý jeńimpazdaryna baǵaly syılyqtar men estelik dıplomdar tabystaldy.
