KEGOK basshysy: Maınıng kompanııalarǵa jeke kvota áli engizilgen joq

«KEGOK»  aktsıonerlik qoǵamynyń basqarma tóraǵasy Nábı Aıtjanov maınıng kompanııalarǵa elektr qýatyn tutynýdyń jeke kvotasy áli engizilmegenin málim etti, dep habarlaıdy QazAqparat tilshisi. 

«Maınıng kompanııalary qazir shekteýli. Olar Qazaqstandaǵy stansalardan elektr energııasyn ala almaıdy. Burynnan istep júrgen maınıng kompanııalar Reseıden elektr energııasyn satyp alady. Energetıka mınıstrliginen jáne bizden olarǵa shek qoıylǵan. Sondyqtan maınıng kompanııalary Qazaqstandaǵy energııa júıelerine áserin tıgizbeıdi», - dedi Nábı Aıtjanov.

Kompanııa basshysy jýrnalıstiń suraǵyna jaýap bere otyryp, Qazaqstandaǵy energııa júıelerinen maınıng kompanııalary elektr tutynyp otyrmaǵanyn aıtty. KEGOK basqarma tóraǵasy maınıng kompanııalarǵa elektr tutynǵany úshin bólek kvota engizý máselesi týraly da málimet berdi.

«Energetıka mınıstrliginiń sheshimimen kvota engiziledi degen oı bar. Biraq búginge eshqandaı kvota joq», - dedi ol.