«KEGOK» AQ «Astana arlandary» komandasynyń bylǵary qolǵap sheberlerine temir tulpardyń kiltin tabys etti

dep habarlady QR Boks federatsııasynyń baspasóz qyzmetinen.

Keshe elordadaǵy QR Boks federatsııasynyń bazasyna at basyn burǵan «Astana arlandarynyń» bas demeýshisi - «KEGOK» AQ-nyń ókilderi komanda basshylary men sportshylaryn Búkilálemdik boks serııasynda óte nátıjeli óner kórsetýlerimen quttyqtady. Kezdesý sońynda «KEGOK» AQ-nyń birinshi vıtse-prezıdenti Serik Ospanov Baqyt Sársekbaev, Qanat Ábýtálipov, Qanat Islam, Mirjan Rahymjanov, Erjan Músápirov, Mereı Aqshalov, Marat Moldagereev jáne Rýslan Myrsataevqa temir tulpardyń kiltin tabys etip, barlyq komandaǵa baıraqty básekelerde tabys tiledi.

Búginnen bastap komanda jazdyq demalysqa ketti deýge de bolady. Olar endi 1 tamyzda bas qosyp, Búkilálemdik boks serııasynyń jańa maýsymyna daıyndyqtaryn bastaıdy.

Aıta keteıik, 6-7 mamyr kúnderi Qytaıdyń Gýıang qalasynda «Astana arlandary» men «Parıj ıýnaıted» komandalary arasynda ótken Búkilálemdik boks serııasynyń aqtyq saıysynda elimizdiń bylǵary qolǵa sheberleri parıjdikterge 6:4 esebimen ese jibergen bolatyn.