KEGOC jýrnalıster arasynda baıqaý jarııalady
ASTANA. QazAqparat- «Elektr jelilerin basqarý jónindegi Qazaqstan kompanııasy «KEGOC» AQ baspalyq, elektrondyq jáne ınternet-BAQ jýrnalısteri arasynda QR elektr energetıkasy salasy damýynyń ózekti máseleleri jónindegi eń úzdik jarııalanymdar baıqaýyn ótkizetinin habarlaıdy.
Baıqaý ótkizýdiń maqsaty elimizdiń elektr energetıkasy salasynyń ózekti máselelerine, oń ózgeristerine BAQ nazaryn aýdartý, sondaı-aq «KEGOC» AQ-nyń aǵymdaǵy jáne keleshektegi ınvestıtsııalyq jobalaryn aqparattyq qoldaý bolyp tabylady.
Konkýrsqa qatysý úshin baspalyq, elektrondyq jáne Internet-BAQ betterinde 2014 jyldyń 1 qańtary men 1 jeltoqsany aralyǵynda jaııalanǵan maqalalar qabyldanady. Úmitkerler 2014 jylǵy 5 jeltoqsanǵa deıin taqyrybyn «BAQ konkýrsyna ótinish» dep kórsetip, toltyrylǵan ótinish úlgisin jáne óz jumystaryn (jarııalanǵan maqalanyń skanerden ótken nusqasyn nemese maqalanyń aýdıo-beıne jazbasyn) konkurskegoc2014@gmail.com elektrondy mekenjaıyna joldaı alady.
Konkýrsqa qatysý týraly tolyq aqparatty www.kegoc.kz saıtynan alýǵa bolady.
