«KEGOC» tehnologııalyq apattardy ýaqytyly habarlaýy tıis - mınıstrlik

NUR-SULTAN. QazAqparat – «KEGOC» AQ tehnologııalyq apattardy ýaqytyly habarlaýy tıis. Bul jaıynda QR Energetıka mınıstrliginiń baspasóz qyzmetinen málim etti, dep habarlaıdy QazAqparat.

Taratylǵan aqparatqa qaraǵanda, mınıstrlikke qarasty Atomdyq jáne energetıkalyq qadaǵalaý men baqylaý komıteti 2020 jylǵy 9 aqpanda bolǵan tehnologııalyq apattardyń týyndaý faktisi boıynsha tergep-tekserý júrgizgen.

«ıÝKGRES» QS-500 kV aýdanyndaǵy qolaısyz meteojaǵdaı, jeldiń jyldamdyǵy sekýndyna 30 metrden asatyn kúshti shańdy daýyl tehnologııalyq buzylystyń sebebi boldy. Sonyń saldarynan Almaty, Qyzylorda, Jambyl jáne Túrkistan oblystarynda elektr energııasyn berý shekteldi. Tergep-tekserý nátıjeleri boıynsha «KEGOC» AQ-qa uqsas tehnologııalyq buzýshylyqtardy energetıkalyq qadaǵalaý men baqylaý memlekettik organyna ýaqytyly habarlaý jónindegi negizgi uıymdastyrýshylyq jáne tehnıkalyq is-sharalar berildi», - dedi mınıstrlikten.