KEGOC Ortalyq Azııa elderimen elektr qýatyn retteý boıynsha kelisimdi bekitti

«KEGOC» AQ elektr qýatyn retteý boıynsha Ortalyq Azııa elderimen 1,5 mlrd kılovatt-saǵatqa kelisimshart bekitken. Artylǵan ýaqytta Qazaqstan Ortalyq Azııa elderine elektr qýatyn beredi. Bul týraly kompanııa basshysy Nábı Aıtjanov málimdedi, dep habarlaıdy Kazinform. 

«Bizde Ortalyq Azııa júıelerimen jospardan tys qýat boıynsha sharttar jasaldy. Qazir artylǵan ýaqytta elektr qýatyn Ortalyq Azııa elderine beremiz. Biz jylytý maýsymynyń sońyna deıin, ıaǵnı sáýir aıyna deıin 1,5 mlrd kılovatt-saǵatqa shart jasastyq», - dedi Nábı Aıtjanov elordada ótken brıfıngide.

Kestege sáıkes, Qazaqstan josparlanǵan kólemdi oryndaıdy jáne osylaısha Ortalyq Azııanyń barlyq energetıkalyq júıesin qoldaıdy.

«ıAǵnı, bul ózara kómek aıasyndaǵy jumystar. Qýattylyqty retteý boıynsha qyrǵyz stantsııalarymen qosymsha sharttar jasaldy. Qazir jylytý maýsymynda qarbalas saǵattarda jetispeıtin elektr energııasyn satyp alýdy josparlap otyrmyz», - dep túsindirdi «KEGOC» AQ Basqarma tóraǵasy.

Aıta keteıik, «Samuryq-Qazyna» AQ jáne «KEGOC» AQ 28 qyrkúıek pen 2 qarasha aralyǵynda ótken Qazaqstan qor bırjalarynda aktsııalardy qaıtalama ornalastyrý (SPO) qorytyndysyn jarııalady.

Investorlardan jalpy somasy 34,8 mlrd teńgeden asatyn 50 myńnan astam ótinim túsken. Bul ornalastyrýdyń josparlanǵan kóleminen 1,5 ese artyq.