KEGOC ókili birneshe óńirde elektr tapshylyǵyn týyndatqan tutynýshylardy atady
NUR-SULTAN. QazAqparat – Eldegi elektr energııasynyń tapshylyǵyn avarııalardyń jıileýi men maınıng óndirisiniń artýy týyndatyp otyr.
«KEGOC» kompanııasynyń ulttyq dıspetcherlik ortalyǵynyń bas dıspetcheri Bekjan Muqatov atalmysh másele boıynsha ótken brıfıngide osyndaı pikir bildirdi, dep habarlaıdy QazAqparat tilshisi.
Elektr qýatynyń tapshylyq belgileri maınıng pen elektr stantsııalaryndaǵy apattardyń joǵarylaýynan týyndap otyr.
«Maınıng elektr qýatyn tutyný kóleminiń kúrt ósýine aıtarlyqtaı áser etetin mańyzdy faktor bolyp tur. 2011 jyly bul salanyń elektr qýatyn tutyný úlesi shamamen 2% bolsa, 2020 jyly 7%-dan asqan. ıAǵnı birneshe ese ulǵaıǵanyn baıqaımyz. Árıne, biz qazirgi tapshylyqty eldegi elektr qýatyn tutyný qurylymynda maınıng úlesiniń ulǵaıýymen baılanystyramyz. Tipti bul tapshylyqtyń negizgi faktory deýge bolady. Oǵan qosa eldiń elektr stantsııalarynda apattar jıi bolady. Osynyń báriniń jıyntyǵynda elektr tapshylyǵynyń belgileri men ımporttaý qajettiligi týyndap otyr», – dedi Bekjan Muqatov.
Sondaı-aq, bas dıspetcher maınıngtik kompanııalardy baqylaý «KEGOC»AQ quzyretine jatpaıtynyn eskertti.
