KEGOC qyzmetkerleri Qyzylaǵash aýylynda sý tasqynynan zardap shekkenderge kómek retinde 12,5 mıllıon teńge jınady

Kompanııa qyzmetkerleri bir kúndik jalaqylary mólsherinde aqshalaı qarajat jınaý jónindegi aktsııany Naýryz meıramy qarsańynda jarııalaǵan bolatyn. Quramynda 4 myńǵa jýyq múshesi bar KEGOC ujymy Almaty oblysyndaǵy sý qoımasynyń jarylýynan zardap shekkenderge kómek kórsetý qoryna óz erikterimen 12 mıllıon 564 myń teńge qarjy aýdardy. Kórsetilgen mólsherdegi aqshalaı qarajat naýryzdyń 26-synda Tótenshe jaǵdaılar mınıstrliginiń esepshotyna aýdaryldy. Aktsııaǵa KEGOC kompanııasy atqarýshy dırektsııasynyń, óńirlik fılıaldary men enshiles mekemeleriniń qyzmetkerleri bir kisideı jumyla atsalysty.

Sondaı-aq «Nur-Otan» HDP bastaýysh partııa uıymynyń bastamasymen KEGOC-tyń Astanada ornalasqan bas ofıs qyzmetkerleri Almaty oblysy Aqsý jáne Qaratal aýdandarynyń eldi mekenderinde oryn alǵan tótenshe jaǵdaılardan zardap shekkenderge 500-den astam jyly kıimder men eń qajetti buıymdar jınady. Jınalǵan júk «Jas Otan» jastar qanaty astanalyq fılıalynyń qoldaý-kómegimen naýryzdyń 17-sinde jóneltildi.