KEGOC qyzmetkerleri halyqaralyq jarystyń júldegeri atandy
ASTANA. QazAqparat - «KEGOC» AQ komandasy Belarýsta ótken Kásibı sheberlikten halyqaralyq saıysta ІІ orynǵa ıe boldy, dep habarlaıdy QazAqparat tilshisi.
Aıta keteıik, osy jyldyń 17-20 qyrkúıek aralyǵynda Brest qalasynda TMD-ǵa múshe memleketterdiń elektr energetıkasy salasynda qyzmet atqaratyn kadrlarynyń kásibı sheberlik boıynsha XV halyqaralyq saıysy ótken bolatyn.
Aǵymdaǵy jyly Belarýs, Qazaqstan, Reseı, Tájikstan jáne Ózbekstan elektr jelileri kompanııalary men brıgadalary 110 kV jáne odan da joǵary voltty elektr jetkizý jelilerin jóndeý jáne qyzmet kórsetý boıynsha óz sheberlikterin kórsetti.
Brıgadalar tórt kúnniń ishinde jarystyń 7 kezeńinen ótti. Qatysýshylar ár kezeńde óz bilimi men biliktilikterin dáleldep qana qoımaı, toqqa túsip qalǵan adamdy qutqarý jáne alǵashqy kómek kórsetý daǵdylaryn kórsetti.
Quramynda sheberler ıÝrıı Fılatov jáne Arman Ábilov, elektrmonterler Almat Shoqanov, Medet Muqanǵalıev jáne Nıkolaı ıÝdenkov bar «KEGOC» AQ brıgadasy qoıylǵan mindetterdi oıdaǵydaı oryndap, jalpy upaı sany boıynsha ekinshi oryn aldy. Birinshi oryndy jarystyń uıymdastyrýshylary - «Belenergo» MÓB «Brestenergo» RÝK «Baranov elektr jelileri» bólimshesiniń brıgadasy ıelengen.
Aıta keteıik, TMD-ǵa múshe memleketterdiń elektr energetıkasy salasynda qyzmet atqaratyn kadrlardyń kásibı sheberlikteri halyqaralyq jarystary 2004 jyldan beri jyl saıyn ótkiziledi.
