KEGOC qundy qaǵazdardy ornalastyrý parametrlerin bekitken soń IPO-ǵa shyǵý merzimin jarııalaıdy

ASTANA. 8 mamyr. QazAqparat - Qazaqstannyń Birtutas elektr energetıkalyq júıesiniń júıelik operatory «KEGOC» AQ qundy qaǵazdardy ornalastyrý parametrlerin bekitken soń IPO-ǵa shyǵý merzimin qosymsha jarııalaıdy, dep habarlady QR Premer-Mınıstriniń resmı saıty atalǵan kompanııanyń baspasóz qyzmetine silteme jasap.

«Barlyq qajetti qujattar belgilengen tártippen kompanııanyń jalǵyz aktsıoneri «Samuryq-Qazyna» UÁQ» AQ pen QR Úkimetine qaraýǵa jáne sheshim qabyldaýǵa jiberildi. Ornalastyrýdyń negizgi parametrleri bekitilgennen keıin KEGOC-tyń IPO-ǵa shyǵý merzimi belgilenedi jáne jarııa etiletin bolady», - delingen «KEGOC» AQ málimdemesinde.

Málimdemede aıtylǵandaı, qazirgi ýaqytta kompanııa keńesshiler tobymen birlese otyryp, «KEGOC» aktsııalar toptamasyn qarjy naryǵyna shyǵarý boıynsha daıyndyq sharalary men ishki korporatıvtik rásimderdi aıaqtady.