KEGOC Konstıtýtsııa kúni qarsańynda Astananyń elektrmen jabdyqtalý senimdiligin jaqsartty
ASTANA. Tamyzdyń 28-i. QazAqparat - KEGOC Konstıtýtsııa kúni qarsańynda Astananyń elektrmen jabdyqtalý senimdiligin jaqsartty. Bul aqparatty atalǵan kompanııanyń baspasóz qyzmeti taratyp otyr.
«KEGOC» Elektr jelilerin basqarý jónindegi Qazaqstan kompanııasy» AQ-y el basshylyǵynyń Astana qalasynyń transformatorlyq qýatyn jańartý jónindegi tapsyrmasyn ýaqytynan buryn oryndady. Qazaqstan Respýblıkasynyń Konstıtýtsııasy kúni qarsańynda qalalyq ortalyq tómendetý stansysyna júrgizilgen synaq sátti ótip, AT-250 MVa avtotransformatory iske qosyldy jáne AT-125 MVa transformatory aýystyryldy.
Qural-jabdyqtardyń almastyrylýy nátıjesinde 500 kVt qalalyq ortalyq tómendetý stansysynyń elektrlyq júktemelik qýaty 250-den 375 MVa-ǵa deıin artty. Bul aldaǵy kúzgi jáne qysqy maýsymda elordanyń senimdi energııamen jabdyqtalýyn qamtamasyz etedi.
KEGOC AQ-yna sáıkes tapsyrma aǵymdaǵy jyly sáýirdiń 2-inde QR Prezıdenti N.Nazarbaevtyń tóraǵalyǵymen ótken Astana qalasynyń aldaǵy damýy jónindegi sáýlet-qurylys keńesi barysynda berilgen bolatyn.
Transformator qýatyn jańartý QR Úkimetiniń jáne «Samuryq-Qazyna» ÁAQ» AQ-nyń tikeleı qoldaýymen júzege asyryldy.
