12:52, 10 Jeltoqsan 2009 | GMT +5
KEGOC kompanııasyna jańa prezıdent taǵaıyndaldy
ASTANA. Jeltoqsannyń 10-y. QazAqparat /Gúlnár Jandaǵulova/ - Almasadam Sátqalıev KEGOC kompanııasyna jańa prezıdent bolyp taǵaıyndaldy.
Bul týraly QazAqparat tilshisine kompanııadan habarlady.
Jańa basshyny ujymǵa tanystyrý sharasyna «Kazenergy» qaýymdastyǵynyń tóraǵasy Tımýr Qulybaev qatysty.
A.Sátqalıev buǵan deıin kompanııa prezıdentiniń mindetin atqarýshy bolyp kelgen. Ol 1970 jyly 31 qazanda Almaty qalasynda týǵan. Ál-Farabı atyndaǵy Qazaq Ulttyq ýnıversıtetin 1992 jyly bitirgen, mamandyǵy - mehanık, qoldanbaly matematıka. Ekonomıka ǵylymdarynyń kandıdaty. TMD-nyń eńbek sińirgen energetıgi.