«KEGOC» kompanııasy jýrnalısterdi marapattady
ASTANA. QazAqparat - «KEGOC» AQ jyl saıynǵy Qazaqstannyń Ulttyq elektr energetıkasy júıesin damytý jáne «KEGOC» AQ ınvestıtsııalyq jobalarynyń ózekti máselelerin jazǵan úzdik materıaldarǵa jarııalanǵan respýblıkalyq jáne aımaqtyq BAQ arasyndaǵy shyǵarmashylyq baıqaýdyń qorytyndysyn shyǵardy, dep habarlaıdy QazAqparat.
«2016 jyly baıqaý komıssııasynyń qaraýyna baıqaý taqyrybyna sáıkes qazaqstandyq BAQ-ta (ınternet-BAQ qosqanda) jaryq kórgen 96 jarııalanym usynyldy. Olardyń ishinen mazmuny jaǵynan baıqaýdy ótkizý talaptaryna jaýap beretin 42 materıal tańdap alyndy»,-deıdi baıqaýdyń uıymdastyrýshylary.
«KEGOC» kompanııasynyń baspasóz qyzmetinen habarlaǵandaı, baıandaý ereksheligi men janrlaryna sáıkes, kásibı sheberlikterin, ózektiligin, materıaldardyń mańyzdylyǵyn eskere otyryp, Komıssııa baıqaýdy ótkizý tártibine sáıkes 9 (toǵyz) atalymdy anyqtap, «Júıelilik jáne derektilik» atalymy boıynsha - «INTERFAKS-QAZAQSTAN» jańalyqtar portalynyń redaktsııasyn; «Ózekti jarııalanym» atalymy boıynsha - «Ortalyq Qazaqstan» Qaraǵandy oblystyq gazetiniń redaktsııasyn, «Belsendi kózqaras» atalymy boıynsha - «QazAqparat» halyqaralyq aqparat agentiginiń redaktsııasyn; «Jedel aqparat» atalymy boıynsha - LS Aqparat aqparat agentiginiń redaktsııasyn;«Úzdik salalyq taldaý» atalymy boıynsha - «KýrsıvЪ» gazetiniń redaktsııasyn; «Ózektilik» atalymy boıynsha - Venera Gaıfýtdınova, «Forbes.kz» iskerı jýrnalynyń tilshisin; «Aımaqtyq sholý» atalymy boıynsha - «Nasha jızn» Pavlodar oblystyq gazetiniń redaktsııasyn; «Úzdik jarııalanym» atalymy boıynsha «Kazahstanskaıa pravda» respýblıkalyq gazetiniń redaktsııasyn; «Aqparattyq qoldaý» atalymy boıynsha «Egemen Qazaqstan» respýblıkalyq gazetiniń redaktsııasyn úzdik dep tapty.
Buqaralyq aqparat quraldarynyń ókilderin «KEGOC» AQ basqarma tóraǵasy Baqytjan Qajıev marapattap, elimizdiń elektr jelisiniń jaı-kúıin jazyp júrgen jýrnalısterdiń eńbegine zor baǵa berdi.
